Story Preview:
பிரபாகர்.
இதுதான் என் நண்பனின் பெயர்.
நானும்
அவனும் ஒரே கல்லூரியில் B.Sc படித்தோம். பின்பு பிரிந்துவிட்டோம்.
நாங்கள்
ஒன்றும் அவ்வளவு நெருக்கமான நண்பர்கள் கிடையாது. ஒரே கல்லூரியில் படித்த பழக்கம்தான்.
என் பெயர்
லோகேஷ். நான் பிரபாகர் படித்த கல்லூரியில் B.Sc முடித்துவிட்டு, வேறொரு கல்லூரியில்
M.Sc, M.Phil முடித்தேன்.
படிப்பு
முடிந்ததும் இரண்டு வருடம் வேலை தேடி ஒன்றும் சரியாக அமையாததால், என் அப்பாவின் நண்பர்
ஒருவர் மூலம் ஒரு தனியார் கலை மற்றும் அறிவியல் கல்லூரியில் லெக்சரராக சேர்ந்தேன்.
அங்குதான்
மீண்டும் நான் பிரபாகரை சந்தித்தேன்.
பிரபாகர்
அந்த கல்லூரியில் ஒரு வருடமாக வேலை பார்த்து வருகிறான். நான் அங்கு வேலைக்கு சேர்ந்த
முதல் நாளே, எங்களின் பழைய நட்பு மீண்டும் துளிர்த்தது.
பின்னர்
நாளுக்கு நாள் எங்களின் நட்பு அதிகமாக வளர, நாங்கள் நெருங்கிய நண்பர்களானோம். எங்களைப்
பற்றிய சில விஷயங்களையும் பகிர்ந்து கொண்டோம்.
அப்போதுதான்
தெரிந்தது பிரபாகருக்கு திருமணம் ஆகிவிட்டதென்று. அதுவும் காதல் திருமணம், இரு வீட்டு
பெற்றோர்களின் சம்மதத்துடன் நடந்திருக்கிறது.
இதில் ஆச்சர்யம்
என்னவென்றால், அவன் மனைவி பிருந்தா அவனை விட ஒரு வயது மூத்தவள். பிரபாகர் M.Sc படித்தபோது,
அவனுக்கு சீனியரான பிருந்தாவை காதலித்து திருமணம் செய்துகொண்டதாக சொன்னான்.
இப்போது
அவர்கள், நாங்கள் வேலை பார்க்கும் கல்லூரிக்கு சில கிலோ மீட்டர் தூரத்தில் ஒரு வீட்டில்
தனிக் குடித்தனம் இருக்கிறார்கள். எனது ஊரும் சில மணி நேர பயண தூரத்தில் இருப்பதால்,
நானும் கல்லூரிக்கு பக்கத்திலேயே ஒரு ரூமை வாடகைக்கு எடுத்து தங்கினேன்.
அது ஒரு
பேச்சிலர் ரூம். பத்துக்கு பத்து என்ற அளவில் ஒரே ஒரு அறைதான் இருக்கும்.
என்னுடைய
பெரும்பாலான நேரம் கல்லூரியில் கழிவதால், இரவு படுக்க மட்டும்தான் ரூமுக்கு வருவேன்.
வந்ததும் தூக்கம்தான். பின் மறுநாள் காலை வழக்கம் போல வேலை என்று வாழ்க்கை இயந்திரம்
போல சென்றுகொண்டிருந்தது.
அந்த கல்லூரியில்
ஞாயிறு ஒருநாள் மட்டும்தான் விடுமுறை. அந்த ஒரு நாளை கழிப்பதுதான் எரிச்சலாக இருக்கும்.
காரணம்
அந்த புறாக்கூண்டு போன்ற ரூம்தான். எவ்வளவு நேரம் சுவரை பார்ப்பது என்று பைக்கை எடுத்துக்கொண்டு
சினிமா, ஹோட்டல் என்று ஊரைச் சுற்றுவேன்.
இதைத் தெரிந்துகொண்ட
பிரபாகர், ஞாயிற்றுக்கிழமையன்று பொழுதை கழிக்க, அவன் வீட்டுக்கு வரச்சொன்னான்.
எனக்கு
அதில் விருப்பமில்லை என்றாலும், நண்பனின் சொல்லுக்கு மரியாதை கொடுத்து, ஒரு ஞாயிற்றுக்கிழமை
அவன் வீட்டுக்கு சென்றேன். காலிங் பெல்லை அடித்ததும், பிரபாகர்தான் கதவைத் திறந்தான்.
பிரபாகர்
என்னை வரவேற்று ஹாலில் அமரச்சொல்லிவிட்டு, கிச்சனுக்குள் நுழைந்தான். பின்னர் கொஞ்ச
நேரத்தில் அவன் வெளியே வர, அவன் பின்னால் அவன் மனைவி பிருந்தாவும் கையில் காப்பி தம்ளருடன்
வந்தாள்.